Ibilaldi Oinezko Arantzazutik

Hitzaurrea

Bidea eta bidezidorra, biak, Santutegiko historian oso hitz garrantzitsuak dira. Elkarrizketa irudikatzen dute, eta ezinbestekoak dira zentzu-bilaketan ari den, eta "on gorena" (San Frantzisko) aurkitu nahi duen erromesarentzat.

Arantzazu noranahi datozen eta doazen bideek eta bidezidorrek inguratzen dute. Paisaiaz zein naturaz edota ariketa fisikoaz disfrutatzeko aukera ematen dute; halaber, norberarekin edota besteekin elkartzea ahalbidetzen. Historiaz, kulturaz eta bizimodu ezberdinez jantzitako bideak dira, topaketari, bizikidetasunari eta beste zenbait harreman motari ere aukera eman dietena.

Bidezidorra oinez egiteko bidea da. Bilaketa, komunikazioa eta bizitzagatiko borroka irudikatzen ditu. Gauzatu eta erreal bihurtzen du "bizitzako bideak urratu" esaldia. Bidezidorrak benetako gizaki egiten gaituzten errespetua, erantzukizuna eta sentsibilitatea bezalako balioak bultzatzen ditu.

Euskal Herria bila eta bideak urratzen dabilen herriaren erakusle dugu. Baliteke horregatik izatea horren gustuko ibiltzea. Ukaezina da herri honetan bidezidor-kirola kirol hutsa baino gehiago dela. Bere kulturan sendo erroturik dago, eta herriaren adierazteko modu naturala da.

Arantzazu bidearen ikuspegi honetatik ezagutzeko gonbita da gida hau. Oinez egiteko zortzi ibilbide dira, guztiok egiteko modukoak. Espirituaren lasaitasuna berreskuratzen eta eguneroko estresa alde batera uzten lagunduko diguten osasun-iturri ezin hobeak dira. Arantzazun bidea egiteak bere ingurumenarekin harremanezko esperientzia bizitzea dakar, eta bere paisaia paregabeaz disfrutatzeko aukera ematen du.

Ongi etorri Arantzazuko naturara.

Ibilbidea	Dist. km.	Denbora ord.	Desnibela m.	Zailtasuna MIDE*	Oinetakoak	Sailkapena
Arantzazuko ibilbide egokitua	3,5	1,5	< 100	1-1-1-2	Oinetako berezirik ez du behar	Oso erraza
Larrez larre	6,5	2,5	300-400	2-2-2-2	Kirol-zapatila	Oso erraza
Ezkutuko bidea	7	2	200-350	2-2-2-2	Trekking zapatilak	Erraza
Iturrigorri Baso-Eskola	7,5	2	200-350	2-2-2-2	Trekking zapatilak	Erraza
Baserriak, Harria eta Ura	7	2,5	200-350	2-2-2-2	Trekking zapatilak	Erraza
Urbia, Mendizaleen babeslekua	8,5	3	400	2-2-2-2	Trekking zapatilak	Erraza
Aloña Oñatiko gailurra	10	3,5	500	2-2-2-3	Mendiko botak	Ingurunea
Aizkorri Gipuzkoako gailurrak	16	6	800	3-2-3-3	Mendiko botak	Zaila