Gipuzkoan hauxe zure Hotela

Arantzazuko Santutegia Hotela, ingurune ekologiko paregabean eta Euskal Herriko bihotz geografikoan, ondare zaharra eta modernotasuna batzeaz bat, Kultura eta Espiritualtasuna eskaintzen dizun hotel bakarrenetarikoa duzu Gipuzkoan.

Arantzazuko Santutegia Hotelean bakea, lasaitasuna, sosegua eta atsedena dauzkatzu (besteak beste). Inguru ekologiko paregabean kokaturik daukazu, Euskal Herriko bihotzean, Aratz-Aizkorri Natura Parkeko mendartean gordea; hangoxe isiltasuna aurkitu ta gozatzea da hotelaren ezaugarri nabarmenena.

Modernoa bezain erosoa da Hotela; berekin darama nortasun historikoa eman dion sobrietatea, harrera atsegina, zerbitzu ona, tratu adeitsua eta baitere, Santutegiko inguru naturalari eta erlijiosoari ezarri izan dion frantziskotar ikuttu txoila.

Arantzazuko Santutegia Hotelak taberna-kafetegiaz gainera, bi jangela ditu (jangela, sagardotegia), atsedenaldirako egongela lasai bat, Spa ederra (fitness eta sauna gunea), eta bilerak eta ekitaldiak egiteko Gandiaga Topagunea eraikin bikaina. Eta noski, eskaintza horrekin bezeroa pozik beteta ikustea helburu duen lan talde profesional peto-petoa.

Logelek

Arantzazuko Santutegia Hoteleko 46 logelek mendiko argi natural zuzpergarria daukate bezeroaren erosotasuna eta ongizatea laguntzeko. Bertatik goza dezakezun inguruko mendien, Santutegiaren nahiz amildegi eta trokarteen ikuspegiak, zeure barnean lasaitu eta baretzen zaitu.

Jatetxea

Arantzazuko Santutegia Hoteleko jatetxeak, 150 lagunentzako jantoki nagusiaz gainera, ekitaldi berezietarako 24ren bat lagunentzako beste jantoki bilduago bat dauka. Bertako eskaintza gastronomikoa ohiko sukaldaritzan oinarritua dago, baina sukaldaritza berri eta moderniazkoa tartekatzen ere badaki.